১। চমু উত্তৰ লিখাঃ

(ক) শ্ৰমৰ সমমর্যাদা মানে কি?

উত্তৰঃ পুৰুষ বা মহিলাৰ বৈষম্য নাৰাখি উভয়ৰে কামক স্বীকৃতি প্ৰদান কৰাকে শ্ৰমৰ সমমর্যাদা বুলি কোৱা হয়।

(খ) শ্ৰমৰ সমমূল্যই কি সূচায়?

উত্তৰঃ পুৰুষ মহিলা নির্বিশেষে ব্যক্তিয়ে কৰা কামৰ উচিত মূল্য প্ৰদান কৰাকে শ্ৰমৰ সমমূল্য বোলে।

(গ) প্রতিভা দেৱীসিং পাটিলৰ কৰ্মজীৱন কেনেকৈ আৰম্ভ হৈছিল?

উত্তৰঃ এগৰাকী উকিল হিচাপে প্রতিভা দেৱীসিং পাৰ্টিলৰ কৰ্মজীৱন আৰম্ভ হৈছিল।

(ঘ) মামণি ৰয়ছম গোস্বামীয়ে কিমান বয়সৰপৰা সাহিত্য সাধনাত ব্রতী হয়?

উত্তৰঃ ১৩ বছৰ বয়সৰপৰা মামণি ৰয়ছম গোস্বামীয়ে সাহিত্য সাধনাত ব্রতী হয়।

(ঙ) কল্পনা চাওলাই কোন বিষয়ত ডিগ্রী লাভকৰিছিল?

উত্তৰঃ কল্পনা চাওলাই বৈমানিক অভিযন্ত্রা বিষয়ত ডিগ্রী লাভ কৰিছিল।

(চ) কলেজীয়া জীৱনত কি খেলত বাচেন্দ্রীয়ে প্ৰথম পুৰস্কাৰ লাভ কৰিছিল?

উত্তৰঃ কলেজীয়া জীৱনত বাচেন্দ্ৰীয়ে ৰাইফল শুটিঙত প্ৰথম পুৰস্কাৰ লাভ কৰিছিল।

২। উত্তৰ লিখাঃ

(ক) পুৰুষ-মহিলাৰ সমমর্যাদা আৰু পাৰস্পৰিক সহযোগিতাই সমাজ এখনৰ উন্নতিত কেনেদৰে অৰিহণা যোগায়?

উত্তৰঃ আমাৰ সমাজৰ ছোৱালীসকল ল’ৰাৰ সমানেই পৰিশ্ৰমী আৰু বুদ্ধিদীপ্ত। ঠিক সেইদৰে মহিলাসকলো পুৰুষৰ সমানে দূৰদৰ্শী আৰু দায়িত্বশীল। প্রয়োজন মাথোঁ সমান মর্যাদা আৰু সমান সুবিধাৰ। সমাজত আমাৰ পুৰুষ-মহিলাৰ মাজত থকা বৈষম্যভাৱ যিমান সোনকালে আঁতৰিব সিমান সোনকালে আমাৰ উন্নতিৰ পথ প্রশস্ত হ’ব।

(খ) লিংগ বৈষ্যমৰ কৱলত আমাৰ সমাজৰ অধিকাংশ এতিয়াও নিমজ্জিত। কেনেকৈ?

উত্তৰঃ লিংগ বৈষ্যমৰ কৱলত আমাৰ সমাজৰ অধিকাংশ এতিয়াও নিমজ্জিত, কথাষাৰ সত্য। ঘৰ এখনত কন্যা শিশুৰ পঢ়া-শুনা আৰু খেলা-ধূলাৰ ক্ষেত্ৰত যিবোৰ বাধ্য-বাধকতা আৰোপ কৰা হয়, সন্তানটো ল’ৰা হ’লে সেইখিনিত বহু শিথিলতা দেখা যায়। বহু সময়ত সমাজত মহিলাসকলে কৰা কামৰ স্বীকৃতি নাপায় বা তেওঁলোকে কৰা কামৰ উচিত মূল্য দিয়া নহয়। ঘৰুৱা কামত মহিলাসকল পুৰুষতকৈ অধিক জড়িত হৈ থাকিব লাগে বুলি এটা পৰম্পৰা আমাৰ সমাজত এতিয়াও প্ৰচলিত হৈ আছে। আনহাতে ঘৰৰ বাহিৰৰ কামবোৰ অধিক কষ্টসাধ্য বুলি ধৰা হয় আৰু সেইবোৰৰ বাবে মহিলাসকলক উপযোগী বুলি ধৰি লোৱা নহয়। তাৰোপৰি মহিলাসকলে কৰা কামৰ ভট্টা বা মজুৰি পুৰুষৰ তুলনাত কম।