১) খালী ঠাই পূৰ কৰাঃ-

(ক) উদ্ভিদৰ অংগজ অংশৰ পৰা এজোপা নতুন উদ্ভিদৰ সৃষ্টি হোৱাক _______________ বোলে।

উত্তৰঃ অংগ প্ৰজনন ।

(খ) এপাহ ফুলত পুং বা স্ত্রী জনন যিকোনো এটা অংগ থাকিলে এনেকুৱা ফুলক _______________বোলে।

উত্তৰঃ একলিংগী ফুল ।

(গ) একে ধৰণৰ ফুল এপাহৰ পুং কেশৰৰপৰা পৰাগ ৰেণু একেপাহ বা একেধৰণৰ আন এপাহৰ গর্ভমুণ্ডলৈ স্থানান্তৰিত হোৱাকে ________________বুলি জনা যায়।

উত্তৰঃ পৰাগযোগ ।

(ঘ) পুং আৰু স্ত্রী জননকোষৰ মিলনক ________________ বোলে।

উত্তৰঃ নিষেচন ।

(ঙ) বীজৰ বিস্তাৰণ _______________, _______________ আৰু ____________________জৰিয়তে হয়।

উত্তৰঃ বতাহ, পানী,আৰু দ্বাৰা প্ৰাণীৰ ।

২) অযৌন প্রজননৰ বিভিন্ন পদ্ধতিবোৰ বৰ্ণনা কৰাৰ লগতে উদাহৰণ দিয়া।

উত্তৰঃ  অংগজ বংশ বিস্তাৰঃ ই এক ধৰণৰ অযৌন প্রজনন য’ত নতুন উদ্ভিদবোৰ শিপা, কাণ্ড, পাত আৰু মুকুলৰ পৰা পোখা মেলি সৃষ্টি হয়। যিহেতু উদ্ভিদৰ অংগজ অংশৰ পৰা এই বংশ বৃদ্ধি হয় সেয়ে ইয়াক অংগজ বংশ বিস্তাৰ বুলি কোৱা হয়।

মুকুলন বা মুকুলোদগমঃ ইষ্টকোষটোৰ পৰা সৰু টেমুনাৰ দৰে ওলাই অহা অংশবোৰক মুকুল বোলে। ক্রমশঃ মুকুলবোৰৰ বৃদ্ধি হয় আৰু মূল কোষটোৰ পৰা বিচ্ছিন্ন হৈ নতুন ইষ্টকোষৰ গঠন হয়।

বিভাজন: যেতিয়া পানী আৰু পোষক দ্রব্য যথেষ্ট পৰিমাণে পায়, তেতিয়া শেলাইবোৰৰ বৃদ্ধি হয় আৰু বিভাজনৰ দ্বাৰা ইহঁত খৰতকীয়াকৈ সংখ্যাত বাঢ়ি যায়। কোনো এবিধ শেলাই দুই বা ততোধিক টুকুৰালৈ বিভাজন হ’ব পাৰে।

ৰেণু গঠনঃ প্রতিটো ৰেণু প্ৰতিকূল অৱস্থা যেনে উচ্চ উষ্ণতা আৰু নিম্ন আর্দ্রতা আদিৰ পৰা ৰক্ষা পাবলৈ এখন কঠিন ৰক্ষাকাৰী আৱৰণৰ দ্বাৰা আবৃত হৈ থাকে। সেই কাৰণে সিহঁতে বহু সময় ধৰি বাচি থাকিব পাৰে। অনুকূল অৱস্থাত, এই ৰেণু অংকুৰিত হয় আৰু প্ৰতিটো ৰেণুৰ পৰা এডাল নতুন ভেঁকুৰজাতীয় উদ্ভিদৰ বিকাশ হয়।

৩) যৌন প্রজনন বুলিলে তুমি কি বুজা বহলাই লিখা।

উত্তৰঃ উদ্ভিদ প্রজনন অংগত যথাক্রমে পুংজননকোষ আৰু স্ত্রী জননকোষ উৎপন্ন হয়। দুই বিপৰীত জননকোষৰ মিলন বা নিষেচনৰ ফলত যোজনকোষ গঠিত হয়। এই পর্যায়ক্রমে ভ্রূণ আৰু পৰবৰ্তী কালত পূৰ্ণাংগ উদ্ভিদে বিকাশ লাভ কৰে। এই জটিল প্ৰক্ৰিয়াৰ জৰিয়তে সৃষ্টি হোৱা উদ্ভিদে পিতৃ আৰু মাতৃ দুয়োৰে চৰিত্ৰৰ উপৰি সুকীয়া বৈশিষ্ট্যও বহন কৰে। উদ্ভিদে এইদৰে যৌন প্রজনন সংঘটিত কৰে। 

৪) অযৌন আৰু যৌন প্রজননৰ মাজৰ প্ৰধান পার্থক্যসমূহ বর্ণনা কৰা।

উত্তৰঃ যৌন আৰু অযৌন প্ৰজননৰ মাজৰ প্ৰধান পাৰ্থক্য হল –

৫) এপাহ ফুলৰ প্ৰজনন অংশসমূহৰ চিত্ৰ অংকন কৰা।

৬) স্ব-পৰাগযোগ আৰু ইতৰ-পৰাগযোগৰ মাজৰ পার্থক্য লিখা।

উত্তৰঃ পৰাগধানীৰ পৰা গৰ্ভমুণ্ডলৈ পৰাগৰেণু স্থানান্তৰিত হোৱাকে পৰাগযোগ বোলে। যদি পৰাগৰেণু একেপাহ ফুলৰে গৰ্ভমুণ্ডত পৰে তেতিয়া তাক স্ব-পৰাগযোগ বোলে। যেতিয়া এপাহ ফুলৰ পৰাগৰেণু একেজোপা উদ্ভিদৰ অইন এপাহ ফুলৰ গৰ্ভমুণ্ডত পৰে বা আন এডাল একে উদ্ভিদৰ ফুলৰ গৰ্ভমুণ্ডত পৰে তেতিয়া তাক ইতৰ পৰাগযোগ বোলে ।