1। খালী ঠাই পূৰ কৰা—

(a) পানী-শোধন কৰাটো হৈছে ______________ আঁতৰকৰণ প্ৰক্রিয়া।

উত্তৰঃ পানী-শোধন কৰাটো হৈছে প্ৰদূষক আঁতৰকৰণ প্ৰক্ৰিয়া ।

(b) ঘৰবোৰৰ পৰা ওলাই যোৱা বৰ্জিত পানীখিনিক ________________ বোলে।

উত্তৰঃ ঘৰবোৰ পৰা ওলাই যোৱা বৰ্জিত পানীখিনিক পূতিজল বোলে।

(c) শুকান ________________ক সাৰ হিচাপে ব্যৱহাৰ কৰা হয়।

উত্তৰঃ শুকান গেদখিনিক সাৰ হিচাপে ব্যৱহাৰ কৰা হয়।

(d) নৰ্দমাবোৰ _____________  আৰু _____________দ্বাৰা বন্ধ হৈ পৰিব পাৰে । 

উত্তৰঃ নৰ্দমাবোৰ গোটা খাদ্যৰ অৱশিষ্ট আৰু চৰ্বীজাতীয় বস্তুৰ দ্বাৰা বন্ধ হৈ পৰিব পাৰে ।

2) নলাৰে ওলাই যোৱা পূতিজল কি? নদী বা সাগৰলৈ পূতিজল উপচাৰ নকৰাকৈ এৰি দিয়াটো কিয় অপকাৰী ব্যাখ্যা কৰা।

উত্তৰঃ পূতিজল হ’ল ঘৰ, উদ্যোগ, চিকিৎসালয়, কার্যালয় বা আন উৎসৰপৰা ওলাই অহা বর্জিত পানী। যিহেতু পূতিজল এবিধ জটিল মিশ্র য’ত গোটা, জৈৱ আৰু অজৈৱ অশুদ্ধি, পোষক দ্ৰব্যৰ লগতে পৰজীৱী আৰু ৰোগ বহনকাৰী বেক্টেৰিয়া আৰু অন্যান্য অণুজীৱ আদিও থাকে। সেইবাবে নদী বা সাগৰলৈ পূতিজল উপচাৰ নকৰাকৈ এৰি দিয়াটো অপকাৰী।

3) তেল আৰু চর্বীজাতীয় সামগ্রী নৰ্দমাত এৰি দিয়াটো কিয় উচিত নহয়? ব্যাখ্যা কৰা।

উত্তৰঃ নর্দমালৈ ৰন্ধন তেল আৰু চৰ্বীজাতীয় বস্তু দলিয়াই দিয়াটো উচিত নহয়। সেইবোৰ টান হৈ নলাবোৰ বন্ধ কৰি দিব পাৰে। মুকলি নর্দমা এটাত চর্বীজাতীয় বস্তুৱে মাটিৰ ছিদ্ৰবোৰ বন্ধ কৰি মাটিখিনিৰ পানী পৰিস্ৰাৱণ কৰা দক্ষতা হ্রাস কৰে। সেয়েহে তেল আৰু চর্বীজাতীয় বস্তুবোৰ জাৱৰ পেলোৱা পাত্র ডাষ্টবিনত পেলাব লাগে।

4) বৰ্জিত মলিঅন পানীৰ পৰা নিৰ্মল পানী পোৱা স্তৰসমূহ বৰ্ণনা কৰা।

উত্তৰঃ ক) বৰ্জিত হোৱা পানীখিনিক প্ৰতিবন্ধক বেৰৰ মাজেৰে পাৰ হৈ যাবলৈ দিয়া হয়। ফটা কাগজ, কাপোৰ, বাঁহ-কাঠৰ টুকুৰা, টেমা, প্লাষ্টিকৰ মোনাৰ আদিৰ দৰে অপ্ৰয়োজনীয় ডাঙৰ বস্তুবোৰ ইয়াত আঁতৰ হয়।

খ) ইয়াৰ পাছত পানীখিনিক সৰু মিহি শিল আৰু বালি আঁতৰোৱা চৌবাচ্চবা জলধাৰালৈ পঠিওৱা হয়। ইয়াত বালি, মিহি শিল আৰু শিলৰ সৰু টুকুৰাসমূহ যাতে তলত পৰি ৰৈ যাব পাৰে তাৰ বাবে প্ৰবেশ কৰা মলিয়ন পানীখিনিৰ গতি হ্ৰাস কৰা হয়।

গ) ইয়াৰ পাছত মধ্য়ভাগলৈ হেলনীয়া এটা ডাঙৰ জলধাৰাত পানীখিনিক থিতাপি ল’বলৈ দিয়া হয়। ইয়াত মল, বিষ্ঠাৰ দৰে গোটা বস্তুবোৰ তলিত গেদ হিচাপে পৰে আৰু এইবোৰক চোঁচনীৰ দ্বাৰা আঁতৰোৱা হয়। তেল আৰু তেলজাতীয় পদাৰ্থৰ দৰে ওপৰত ভাহি থকা অপ্ৰয়োজনীয় বস্তুবোৰ চেকনীৰে আঁতৰোৱা হয়।
ঘ) বায়বীয় বেক্টেৰিয়াৰ বৃদ্ধিৰ বাবে পৰিষ্কাৰ পানীখিনিৰ মাজেৰে পাম্পেৰে বায়ু সোমোৱাই দিয়া হয়। পানীখিনিত তেতিয়াও ৰয় যোৱা মানুহৰ মল-মূত্ৰ, বৰ্জিত খাদ্য়, চাবোন আৰু আন অপ্ৰয়োজনীয় পদাৰ্থসমূহ বেক্টিৰিয়াৰসমূহে শোষণ কৰি লয়।

5) মলিঅন বোকা গেদ কি? ইয়াক কেনেদৰে শোধিত কৰা হয়?

উত্তৰঃ বৰ্জিত মলিয়ন পানী শোধন কৰোতে চৌবাচ্চা এটাৰ তলিত গেদ হিচাপে পৰি থকা গোটা বস্তুবোৰেহ
হৈছে মলিয়ন বোকা গেদ। বর্জিত মলিয়ন পানী শোধন কৰিবৰ বাবে পানীখিনি এটা ডাঙৰ মধ্যভাগলৈ হেলনীয়া পাত্ৰত থিতাপি ল’বলৈ দিয়া হয়। ইয়াত মলিয়ন বোকা পাত্ৰৰ তলিত গেদ হিচাপে জমা হয় আৰু এইবোৰক চোঁচনিৰ দ্বাৰা আঁতৰাই পেলোৱা হয়।