অনুশীলনী-

(১) দৌৰ শেষ হোৱাৰ পিছত খেলুৱৈ এজনে সাধাৰণতে লোৱাতকৈ বেছি খৰকৈ আৰু দীঘলীয়াকৈ কিয় উশাহ-নিশাহ লয়?

উত্তৰঃ দৌৰিলে আমাৰ দেহত বেছি শক্তিৰ প্রয়োজন হয়। কিন্তু এই শক্তি উৎপন্ন কৰিবৰ বাবে অক্সিজেন যোগান সীমিত। সেইবাবে শৰীৰত অক্সিজেনৰ অভাৱ নহ’বৰ বাবে আমি উশাহ-নিশাহ খৰকৈ লওঁ।

(২) বায়বীয় আৰু অবায়বীয় শ্বসনৰ সাদৃশ্য আৰু পাৰ্থক্যৰ তালিকা কৰা।

উত্তৰঃ বায়বীয় শ্বসনত আৰু অবায়বীয় শ্বসনত দুয়োটাতে খাদ্য বস্তু ভাঙে। গতিকে দুয়োটা শ্বসনৰ দ্বাৰা শৰীৰে শক্তি পায়।

বায়বীয় শ্বসন আৰু অবায়বীয় শ্বসনৰ পাৰ্থক্য হ’ল-বায়বীয় শ্বসনত অক্সিজেন ব্যৱহাৰ কৰি খাদ্য বস্তু ভঙা হয় আনহাতে অবায়বীয় শ্বসনত অক্সিজেনৰ ব্যৱহাৰ নহয়।

(৩) যেতিয়া আমি উশাহত অতি বেছি ধূলিকণাযুক্ত বায়ু গ্রহণ কৰোঁ, তেতিয়া আমি কিয় সঘনাই হাঁচিয়াও?

(৪) তিনিটা পৰীক্ষানলী লোৱা। প্রত্যেকটোৰ ৩/৪ অংশ পানীৰে ভৰাই লোৱা। ‘ক’ ‘খ’ আৰু ‘গ’ নামেৰে লেবেল লগাই লোৱা। ‘ক’ পৰীক্ষানলীত এটা শামুক লোৱা, ‘খ’ পৰীক্ষানলীত এটা জলজ উদ্ভিদ আৰু ‘গ’ পৰীক্ষানলীত উদ্ভিদ, শামুক দুয়োটাকে ভৰাই লোৱা। কোনটো পৰীক্ষানলীত কার্বন-ডাই-অক্সাইডব পৰিমাণ আটাইতকৈ বেছি হ’ব?

উত্তৰঃ ‘ক’ পৰীক্ষানলীত কার্বন-ডাই-অক্সাইডৰ পৰিমাণ আটাইতকৈ বেছি হ’ব।

৫) সঠিক উত্তৰত চিন দিয়া-

ক) পঁইতাচোৰাৰ শৰীৰলৈ ——————— ৰ যোগেদি বায়ু সোমাই আহে ।

(i) হাঁওফাওঁ                          (ii) ফুল

(iii) বায়ু ছিদ্ৰ                       (iv) ছাল

উত্তৰঃ (iii) বায়ুছিদ্ৰ।

খ) গধুৰ ব্যায়ামৰ সময়ত আমাৰ ভৰিত জমা হোৱা ———————- ৰ বাবে সিৰামূৰি ধৰে ।

(i) কাৰ্বন-ডাই-অক্সাইড                   (ii) লেক্ টিক এছিড(iii) বায়ু ছিদ্ৰ                                   (iv) পানী

উত্তৰঃ লেকটিক এছিডৰ ।

(গ) এজন প্ৰাপ্ত বয়স্ক মানুহৰ জিৰণিৰ সময়ত প্ৰতি মিনিটত স্বাভাৱিক উশাহ-নিশাহৰ হাৰৰ গড় বিস্তৃতি

(i) ৯-১২                                (ii) ১৫-১৮

(iii) ২১-২৮                         (iv) ৩০-৩৩

উত্তৰঃ ( ii) ১৫-১৮।

(ঘ) নিশাহৰ সময়ত কামিহাড়বোৰ

(i) বাহিৰলৈ গতি কৰে                 (ii) তললৈ গতি কৰে

(iii) ওপৰলৈ গতি কৰে               (iv) কোনো ধৰণৰ লৰচৰ নকৰে

উত্তৰঃ (ii) তললৈ গতি কৰে।