অনুশীলনী – ২

১) তলৰ প্ৰশ্নবোৰৰ উত্তৰ দিয়া-

(ক) ইতিহাস অধ্যয়নৰ উৎস বুলিলে কি বুজা?

উত্তৰ: ইতিহাস অধ্যয়নৰ উৎস বুলিলে সেই সকলো সামগ্ৰী বা তথ্যকে বুজা যায়, যিবোৰৰ সহায়ত অতীতৰ বিষয়ে জানিব পাৰি।

(খ) ইতিহাস অধ্যয়নৰ দুবিধ উৎসৰ নাম লিখা।

উত্তৰ:ইতিহাস অধ্যয়নৰ দুবিধ উৎসৰ নাম হ’ল- (১) শিলালিপি

(২) প্রাচীন মানুহৰ জিনীয় বৈজ্ঞানিক অধ্যয়ন ।

(গ) এপিগ্রাফিষ্টসকলে কিহৰ বিষয়ে অধ্যয়ন কৰে?

উত্তৰ: এপিগ্ৰাফিষ্টসকলে শিলালিপি, তাম্রলিপি, মুদ্ৰা আদিৰ বিষয়ে অধ্যয়ন কৰে।

(ঘ) জীৱাশ্মৰ বিষয়ে অধ্যয়ন কৰা লোকসকলক কি বুলি জনা যায়?

উত্তৰ: জীৱাশ্মৰ বিষয়ে অধ্যয়ন কৰা লোকসকলক পূৰাজীৱবিজ্ঞানী বুলি জনা যায়।

(ঙ) নৃতত্ত্ববিদসকলে কোনবোৰ বিষয় অধ্যয়ন কৰে?

উত্তৰ: নৃতত্ত্ববিদসকলে প্রত্নতাত্ত্বিক স্থানত থকা শিল্পকৰ্মসমূহ পৰীক্ষা কৰি অতীতৰ মানুহৰ সাংস্কৃতিক আচৰণ পুনৰ অধ্যয়ন কৰে।

২) ইতিহাসবিদসকলে উৎসসমূহৰ সত্যতা কিদৰে নিৰূপণ কৰে?

উত্তৰ:ইতিহাসবিদসকলে অতীতৰ কোনো ব্যক্তি, যুদ্ধ, বিদ্ৰোহ আদিৰ তুলনা কৰি চায়। কেতিয়াবা এটা উৎসই আনটোৰ তথ্যক সমৰ্থন কৰে আৰু কেতিয়াবা সম্পূৰ্ণ বিপৰীত তথ্যও পোৱা যাব পাৰে। গতিকে কোনটো তথ্য অধিক নিৰ্ভৰযোগ্য তাক থিৰাং কৰিবলৈ ইতিহাসবিদসকলে সেই সময়ৰ অন্য উৎস বিচাৰিবলগীয়া হয়।

৩) ইতিহাস লিখনত আন আন বিষয়ৰ ভূমিকা বৰ্ণনা কৰা।

উত্তৰ:ইতিহাস লিখন বা প্রণয়ন হৈছে এক বৈজ্ঞানিক প্রক্রিয়া। নানা উৎসই ইতিহাসবিদসকলক তথ্যৰ যোগান ধৰি অতীতক পুনৰ উদ্ধাৰ কৰাত সহায় কৰে। আদিম যুগৰ লোকসকলৰ বিষয়ে তথ্য উদ্‌ঘাটন কৰাত আগভাগ লয় প্ৰত্নতাত্ত্বিকসকলে। নৃতত্ত্ববিদসকলে প্রত্নতাত্ত্বিক স্থানত থকা শিল্পকৰ্মসমূহ পৰীক্ষা কৰি অতীতৰ মানুহৰ সাংস্কৃতিক আচৰণ পুনৰ অধ্যয়ন কৰে। পৰাজীৱবিজ্ঞানীসকলে জীৱাশ্মৰ অধ্যয়ন কৰে।