৪। চমুটোকা লিখা-

(ক) পঞ্চায়তীৰাজ শাসন ব্যৱস্থা

উত্তৰঃআমাৰ দেশৰ সৰহসংখ্যক লোকেই গাঁও অঞ্চলত বাস কৰে। সেয়ে দেশৰ উন্নতি হ’বলৈ হ’লে প্ৰতিখন গাঁৱৰ উন্নতি হ’ব লাগিব। গাঁও অঞ্চলৰ অৰ্থনৈতিক আৰু সামাজিক উন্নয়নৰ বাবে আমাৰ দেশে গাঁওসমূহত এক নিজা শাসন ব্যৱস্থা প্রচলন কৰিছে। এই ব্যৱস্থাটোক পঞ্চায়তীৰাজ শাসন ব্যৱস্থা বোলে। এই ব্যৱস্থা মতে পঞ্চায়ত গঠনৰ বাবে প্ৰতিখন গাঁৱৰ ৰাইজে ভোট দি কিছুমান সদস্য আৰু এজন সভাপতি নির্বাচন কৰে। অৱশ্যে ভোট দিবলৈ ওঠৰ বছৰ বয়স হ’ব লাগে।

(খ) সমবায়

উত্তৰঃ কিছুমান লোক লগ লাগি সকলোৰে উন্নয়নৰ বা আৰ্থিক লাভালাভৰ বাবে সমূহীয়াকৈ কাম কৰা ব্যৱস্থাটোকে সমবায় বোলে। সমবায়বোৰ প্ৰত্যেকজনেই সকলোৰে বাবে আৰু সকলোৱে প্ৰত্যেকজনৰ বাবে কাম কৰা’ নীতিৰে চলে। এখন সমবায়ত অতি কমেও দহজন সদস্য থাকিব লাগে। আমাৰ দেশত বিভিন্ন ধৰণৰ সমবায় আছে। আমাৰ দেশত গাখীৰ, কাপোৰ, পাপৰ আদি বহু ব্যৱসায় সমবায় ভিত্তিত চলি আছে। সৰু-ডাঙৰ বহুতো উদ্যোগ কল-কাৰখানা সমবায় ব্যৱস্থাৰে চলি আছে।

(গ) আত্মসহায়ক গোট।

উত্তৰঃ আমাৰ গাঁওবোৰত মহিলাসকলে মিলি আত্মসহায়ক গোট গঠন কৰিছে। গাঁৱৰ দুখীয়া বহু পৰিয়ালে এনে গোটৰ পৰা ঋণ ল’ব পাৰে। গাঁৱৰ বহু মহিলাই আত্মসহায়ক গোটৰ জৰিয়তে বিভিন্ন সামগ্ৰী উৎপাদন কৰি বিক্ৰী কৰাৰ ব্যৱস্থা কৰিছে। এনেদৰে তেওঁলোকে আর্থিকভাবে স্বাৱলম্বী হ’বলৈ চেষ্ট৷ কৰিছে। এইদৰে আমাৰ সমাজত থকা অনুষ্ঠান-প্রতিষ্ঠান সমূহে আমাক বিভিন্ন দিশত সহায় কৰে। এই অনুষ্ঠান – প্ৰতিষ্ঠান সমূহত সেৱা আগবঢ়োৱা ব্যক্তিসকলক আমি সন্মান জনোৱা উচিত।

৫। শুদ্ধ উত্তৰটো বাছি উলিওৱা —

(ক) সমাজত শান্তি-শৃংখলা ৰক্ষা কৰাৰ কামত কাক নিয়োজিত কৰে-

১। চিকিৎসকক

২। নাৰ্ছক

৩। আৰক্ষীক

৪। শিক্ষকক

উত্তৰঃ ৩। আৰক্ষীক।

(খ) পশু-পক্ষীৰ চিকিৎসাৰ বাবে থকা অনুষ্ঠানটো হ’ল—

১।চৰকাৰী চিকিৎসালয়

২। পশু চিকিৎসালয়

৩। সমবায়

৪। বে-চৰকাৰী চিকিৎসালয়

উত্তৰঃ ২। পশু চিকিৎসালয়।

৬। আকস্মিক বক্তৃতাৰ আয়োজন কৰা- (শিক্ষকৰ সহায় ল’বা)

বিদ্যালয়, মধ্যাহ্ন ভোজন, বেংক, চিকিৎসালয়, আৰক্ষী, দুগ্ধ উৎপাদন।