৬) যৌন হৰমন কি ? সেইবোৰক কিয় এনে নাম দিয়া হল ? সেই হৰমন বোৰৰ কাৰ্যৰ বৰ্ণনা কৰা ।

উত্তৰঃ অণ্ডাশয় আৰু ডিম্বাশায়ৰ পৰা নিঃসৰিত হৰম’নক যৌন হাৰম’ন বোলে।
ডিম্বাশয়ে স্ত্রী হৰম’ন বা ইষ্ট্র’জেন আৰু অণ্ডাশয়ে পুং হৰম’ন বা টেষ্ট’ষ্টেৰন নিঃসৰণ কৰে। সেইবাবে এইবোৰক যৌন হৰম’ন বোলে।

পুৰুষৰ টেষ্ট’ষ্টেৰন হৰম’নৰ বাবে মুখ মণ্ডলত দাড়ি-গোফ গজে, কান্ধৰ আকাৰ ডাঙৰ হয়, বুকুত, বাহুৰ তলত আৰু গুপ্তাংগত নোম গজে। মহিলাৰ ইষ্ট্ৰ’জেন হৰম’নৰ বাবে স্তনৰ বিকাশ হবলৈ ধৰে, বাহুৰ তলত আৰু গুপ্তাংগত নোম গজে ইত্যাদি ।

৭) উপযুক্ত উক্তিটো বাছি উলিওৱা-

ক) কিশোৰ – কিশোৰী সকল আহাৰ সম্পৰ্কে সচেতন হোৱা উচিত, কিয়নো –

১) উপযুক্ত খাদ্যই মগজুৰ বিকাশত সহায় কৰে ।

২) শৰীৰত হৈ থকা দ্ৰুত বৃদ্ধিৰ বাবে উপযুক্ত আহাৰৰ প্ৰয়োজন ।

৩) কিশোৰ – কিশোৰী সকলৰ সদায় ভোক বেছি ।

৪) কিশোৰ – কিশোৰী সকলৰ স্বাদ মুকুল অধিক সক্ৰিয় ।

উত্তৰঃ ২) শৰীৰত হৈ থকা দ্ৰুত বৃদ্ধিৰ বাবে উপযুক্ত আহাৰৰ প্ৰয়োজন ।

খ) মহিলাৰ প্ৰজননৰ বয়স আৰম্ভ হয় তেতিয়া –

১) যেতিয়া মাহেকীয়া ঋতু চক্ৰ আৰম্ভ হয় ।

২) যেতিয়া স্তনৰ বিকাশ হয় ।

৩) যেতিয়া দেহৰ ওজন বাঢ়ে ।

৪) যেতিয়া ওখ হয় ।

উত্তৰঃ ১) যেতিয়া মাহেকীয়া ঋতু চক্ৰ আৰম্ভ হয় ।

গ) কিশোৰ – কিশোৰীৰ যথোপযুক্ত আহাৰ সামগ্ৰী হল –

১) চিপছ, চাওমিন, ক‘ক ।

২) ৰুটি, দাইল, শাক – পাচলি ।

৩) ভাত, চাওমিন, বাৰ্গাৰ ।

৪) শাক – পাচলি যুক্ত কাটলেট, চিপছ আৰু নেমুৰ ৰস ।

উত্তৰঃ  ২) ৰুটি, দাইল, শাক – পাচলি ।

৮) চমু টোকা লিখা –

ক) ডিঙিৰ ঘটিকা ।

উত্তৰঃ প্ৰজনন ক্ষমতা প্ৰাপ্তিৰ সময়ত স্বৰযন্ত্ৰৰ আকাৰ বৃদ্ধি হ’বলৈ ধৰে। ল’ৰাৰ ক্ষেত্ৰত স্বৰযন্ত্ৰবোৰ ডাঙৰ হয়। ল’ৰাৰ বৰ্দ্ধিত স্বৰযন্ত্ৰ গ্ৰীবা অঞ্চলত বাহিৰলৈ বাঢ়ি অহা এটা অংশ হিচাপে দেখা যায়। এই অংশক ডিঙিৰ ঘটিকা বুলি কোৱা হয়।

খ) গৌণ লিংগ চৰিত্ৰ ।

উত্তৰঃ প্ৰজনন ক্ষমতা প্ৰাপ্তিৰ সময়ত ছোৱালীৰ স্তনৰ বিকাশ হয় আৰু ল’ৰাৰ মুখমণ্ডলত দাড়ি আৰু গোঁফ গজে। এই লক্ষণসমূহৰ দ্বাৰা ল’ৰা আৰু ছোৱালীৰ মাজত পাৰ্থক্য নিৰ্দ্ধাৰণ কৰিব পাৰি বাবে এই চৰিত্ৰসমূহক গৌণ লিংগ বৈশিষ্ট্য বুলি কোৱা হয়।

গ) জন্ম পূৰ্বক লিংগ নিৰ্ণয় ।

উত্তৰঃ মানুহৰ দেহৰ প্ৰতিটো কোষৰ কোষকেন্দ্ৰত 23 যোৰ ক্রম’জ’ম থাকে। ইয়াৰে এযোৰ ক্ৰম’জ’মক X আৰু Y বা যৌন ক্রম’জ’ম বুলি নামকৰণ কৰা হৈছে। মহিলাৰ ক্ষেত্ৰত দুডাল X ৰ ক্ৰমজ’ম থাকে আৰু পুৰুষৰ ক্ষেত্ৰত এডাল X আৰু এডাল Y, মুঠতে দুডাল ক্রম’জ’ম থাকে। যেতিয়া X ক্রম’জ’ম যুক্ত এটা শুক্রাণুৱে ডিম্বাণুক নিষিক্ত কৰে তেতিয়া তাৰ পৰা সৃষ্টি হোৱা যোজন কোষটোত দুডাল X ক্রম’জ’ম থাকিব আৰু ইয়ে এটি কন্যা সন্তানলৈ বিকশিত হ’ব। যদি শুক্রাণুটোৱে Y ক্ৰম’জ’মযুক্ত হৈ ডিম্বাণুক নিষিক্ত কৰে তেতিয়া তাৰ পৰা সৃষ্টি হোৱা যোজন কোষটোত দুডাল ক্রম’জ’ম ক্রমে Y আৰু X থাকিব আৰু ই এটি ল’ৰা সন্তানলৈ বিকশিত হ’ব।