১। চমু উত্তৰ লিখা—

(ক) নাগৰিকৰ কৰ্তব্য বুলিলে কি বুজা?

উত্তৰঃ ভাৰতৰ নাগৰিকসকলৰ ব্যক্তিত্বৰ বিকাশ আৰু সাধাৰণ জীৱন-যাপনৰ বাবে সংবিধানে কিছুমান সা-সুবিধা বা অধিকাৰ প্ৰদান কৰিছে। এই সা-সুবিধা বা অধিকাৰসমূহ উপভোগ কৰাৰ লগে লগে নাগৰিকসকলৰ ৰাষ্ট্ৰৰ প্ৰতি কিছুমান দায়িত্ব আহি পৰে। নাগৰিকসকলৰ এই দায়িত্বকেই কৰ্তব্য বুলি কোৱা হয়।

(খ) ২০০২ চনত নাগৰিকৰ বাবে সংযোজন কৰা কৰ্তব্যটো কি?

উত্তৰঃ ২০০২ চনৰ ৮৬ তম সংশোধনী আইন অনুসৰি নতুনকৈ সংযোজিত কৰ্তব্যটো হ,ল “ছয়ৰ পৰা চৈধ্য বছৰ বয়সৰ প্ৰত্যেক শিশুক শিক্ষাদানৰ ব্যৱস্থা কৰিব লাগিব।“এইটো হ’ল পিতৃ-মাতৃ বা অভিভাৱকৰ মৌলিক কৰ্তব্য।

(গ) জাতীয় পতাকাক আমি কিয় সন্মান জনাব লাগে?

উত্তৰঃ জাতীয় পতাকাখন দেশৰ সন্মানৰ ধ্বজা। জাতীয় পতাকাক সন্মান জনোৱাটো আমাৰ মৌলিক কর্তব্য। সেয়েহে জাতীয় পতাকাক আমি সন্মান জনাব লাগে।

(ঘ) বিদ্যালয়ত শৃংখলা বজাই ৰখাৰ বাবে তোমাৰ কৰ্তব্য কি?

উত্তৰঃ আমি বিদ্যালয়ৰ ছাত্র ছাত্রীবোৰে সময় মতে বিদ্যালয়লৈ আহি, বিদ্যালয়ৰ নিয়ম মতে এটাৰ পাছত এটাকৈ শৃংখলাবদ্ধ ভাবে কর্তব্যবোৰ পালন কৰি যাব লাগে।

২। সংবিধানত উল্লেখিত যিকোনো পাঁচটা কৰ্তব্যৰ বিষয়ে লিখা।

উত্তৰঃ সংবিধানত উল্লেখিত যিকোনো পাঁচটা কৰ্তব্যসমূহ হ’ল–

১) সংবিধান মানি চলা, ৰাষ্ট্ৰীয় পতাকা, ৰাষ্ট্ৰীয় প্রতীকৰ প্ৰতি শ্ৰদ্ধা জনোৱা ।

২) স্বাধীনতা আন্দোলনত ভাৰতবাসীক অনুপ্রাণিত কৰা মহান আদর্শসমূহক সম্মান জনোৱা আৰু অনুসৰণ কৰা।

৩) ভাৰতৰ ঐক্য আৰু সংহতি ৰক্ষা কৰা ।

৪) মাতৃভূমিক ৰক্ষা কৰা আৰু প্ৰয়োজন হ’লে দেশৰ প্রতি সেৱা আগবঢ়োৱা।

৫) জনসাধাৰণৰ মাজত ভ্রাতৃত্ববোধ গঢ়ি তোলা, নাৰীৰ মৰ্যাদা হানিকাৰক আচৰণৰপৰা বিৰত থকা।

৩। এন চি চি আৰু স্কাউট গাইডৰ দ্বাৰা কি কি গুণ বিকশিত হ’ব পাৰে লিখা।

উত্তৰঃ এন চি চি আৰু স্কাউট গাইডৰ কৰ্মৰ দ্বাৰা দেশপ্ৰেমৰ ভাব জাগ্রত হোৱাৰ লগতে শৃংখলাবদ্ধ, ধৈর্য আৰু সহানুভূতিৰ দৰে মহান গুণবিলাক বিকশিত হোৱাত সহায় কৰে।

৪। প্রাকৃতিক পৰিৱেশ ৰক্ষা কৰিবলৈ আমি কি কি কৰা উচিত?

উত্তৰঃ আমি সদায় প্রাকৃতিক পৰিৱেশ সুৰক্ষা, যেনে-গছ-বন ৰোপণ কৰা, অবাবত গছ গছনি কটা বন্ধ কৰা, হ্রদ, নদ-নদী, বনাঞ্চলবোৰৰ ৰক্ষণাবেক্ষণ দিয়া আৰু সেইবোৰ সুৰক্ষাৰ বাবে আনকো তেনে কাম কৰাৰ বাবে উৎসাহিত কৰিব লাগে। ইয়াৰোপৰি প্ৰকৃতিৰ অভিন্ন অংগস্বৰূপ সকলো জীৱিত প্রাণীয়ে যাতে সঠিকভাৱে জীয়াই থাকি পৰিৱেশৰ ভাৰসাম্য ৰক্ষা কৰিব পাৰে তাৰ ওপৰত গুৰুত্ব দিব লাগে। আমাৰ কৰ্মই যাতে আন জীৱ-জন্তুৰ খাদ্য আৰু বাসস্থানৰ ওপৰত বিৰূপ প্ৰভাৱ নেপেলায় তাৰ বাবেও আমি সচেতন হ’ব লাগে।