১। চমু উত্তৰ লিখা-

(ক) স্বাস্থ্যৱান ব্যক্তি বুলিলে কাক বুজায়?

উত্তৰঃ নিৰোগী আৰু কাৰ্যক্ষম ব্যক্তিক স্বাস্থ্যৱান ব্যক্তি বোলে।

(খ) আশাকর্মী নিয়োগৰ উদ্যেশ্য কি?

উত্তৰঃ আশাকৰ্মী নিয়োেগৰ উদ্যেশ্য হ’ল- গৰ্ভৱতী মহিলাসকলক চিকিৎসাজনিত সু-পৰামৰ্শ দিয়া।

(গ) ছোৱালী শিক্ষাৰ বাবে চৰকাৰে লোৱা এক ব্যৱস্থাৰ নাম লিখা।

উত্তৰঃ ছোৱালী শিক্ষাৰ বাবে চৰকাৰে লোৱা এক ব্যৱস্থাৰ নাম যেনে- ‘কস্তুৰবা গান্ধী বালিকা বিদ্যালয়’।

(ঘ) কলচেণ্টাৰৰ পৰা কি কিষান সেৱা উপলব্ধ হয়?

উত্তৰঃ কিষান কলচেণ্টাৰৰ পৰা আমাৰ দেশৰ কৃষকসকলে ২৪ ঘণ্টাই কৃষি সম্পৰ্কীয় দিহা-পৰামৰ্শ লাভ কৰিবলৈ সক্ষম হয়।

২। উত্তৰ লিখা-

(ক) আন্তঃগাঁথনিমূলক কাম-কাজ মানে কি? আমাৰ দেশৰ চৰকাৰে দেশৰ আন্তঃগাঁথনি উন্নয়নৰ বাবে কি কি আঁচনি গ্রহণ কৰিছে?

উত্তৰঃ অৰ্থনৈতিক উন্নয়নৰ মৌলিক উপাদানসমূহৰ ভিতৰত ৰাস্তা-ঘাট, দলং, গৃহ, যাতায়ত ব্য়ৱস্থা, যোগায়োগ ব্য়ৱস্থা, জলসিঞ্চন, খোৱা পানী, চিকিৎসালয়, বিদ্য়ালয়, বিজুলি যোগান, টেলিফোন সেৱা আদি প্ৰধান। এইবোৰকে আমি আন্তগাঁঠনিমূলক কাম-কাজ বুলি কওঁ। আন্তগাঁঠনি মানে কোনো কাৰ্য কৰিবৰ বাবে বুনিয়াদি আৰু অত্য়ন্ত আৱশ্য়কীয় সা-সুবিধা, যিবিলাকৰ অবিহনে অৰ্থনৈতিক উন্নয়ন সম্ভব হব নোৱাৰে। সেইবাবে চৰকাৰে প্ৰধান কাম হিছাপে আন্তগাঁঠনি উন্নত কৰাৰ প্ৰচেষ্ট লয় যাতে কৃষি, উদ্য়োগ, সেৱাকে ধৰি সকলো দিশৰ কাম-কাজবোৰ সফলতাৰে সম্পন্ন হয়।

(খ) যাতায়াত আৰু যোগাযোেগ ব্যৱস্থাই দেশৰ উন্নয়নত কেনেদৰে অৰিহণা যোগায়?

উত্তৰঃ যাতায়াত ব্যৱস্থা সমাজ এখনৰ উন্নতিৰ প্ৰথম খলপ। কৃষি, উদ্যোগ, সেৱা সকলো খণ্ডৰ উৎপাদনশীল কাম-কাজসমূহ মূলতঃ নিৰ্ভৰ কৰে উন্নত যাতায়াত ব্যৱস্থাৰ ওপৰত। সেয়েহে উন্নয়নমূলক কামৰ তালিকাত যাতায়াত ব্যৱস্থাক চৰকাৰে আগস্থান দিয়ে। যোগাযোগ ব্যৱস্থাই আজি সমগ্র বিশ্বত এক বৈপ্লালিক পৰিৱৰ্তন আনিবলৈ সক্ষম হৈছে। বিজ্ঞান-প্ৰযুক্তিৰ প্ৰভাৱত এই ব্যৱস্থা ইমানেই আধুনিক আৰু সক্রিয় হৈছে যে ঘৰত বহি নিমিষতে আমি পৃথিৱীৰ ইমূৰ-সিমূৰৰ বাতৰি পাবলৈ সক্ষম হৈছোঁ।