৩। উৎসৱ বুলিলে কি বুজা লিখা।

উত্তৰঃ অসমৰ বিভিন্ন জাতি জনগোষ্ঠীয়ে বছৰটোৰ বিশেষ দিন কিছুমানত নীতি-নিয়ম মানি উলহ-মালহেৰে কিছুমান কাৰ্য সম্পন্ন কৰা দেখা যায়। নীতি-নিয়মৰ মাজেৰে উলহ-মালহেৰে সম্পন্ন কৰা এনে কাৰ্যকে উৎসৱ বুলি কোৱা হয়।

8। আমি উৎসৱসমূহ কিয় পালন কৰিব লাগে?

উত্তৰঃ আমি উৎসৱ পালন কৰিব লাগে কাৰণ – উৎসৱসমূহৰ যোগেদি আমাৰ মাজত মিলা-প্রীতি আৰু একতাৰ ভাব গঢ়ি উঠে। উৎসৱসমূহে সমাজত চলি অহা সংস্কৃতিও ৰক্ষা কৰে।

 ৫। তুমি ভালপোৱা যিকোনো এটা উৎসৱৰ বিষয়ে পাচটা বাক্য় লিখা ।

উত্তৰঃ বিহু –

(ক) বিহু হৈছে আমাৰ জাতীয় উৎসৱ। 

(খ) বিহু তিনিটা ব’হাগ বিহু, কাতি বিহু আৰু মাঘ বিহু। 

(গ) ব’হাগ বিহুক ৰঙালী বিহু বুলি কোৱা হয়। কাতি বিহুক কঙালী বিহু বুলি কোৱা হয়। মাঘ বিহুক ভোগালী বিহু বুলি কোৱা হয়। 

(ঘ) বিহুত সৰুৱে ডাঙৰক সেৱা জনাই আশীৰ্বাদ লয়।

(ঙ) অসমত এই উৎসৱ জাতি, ধর্ম, ভাষা, বর্ণ নির্বিশেষে সকলো লোকেই পালন কৰে।

৬। ফাঁকুৱা বা হোলী উৎসৱ কেনেদৰে পালন কৰা হয়?

উত্তৰঃ ফাকুৱা বা হোলী এক সৰ্বভাৰতীয় উৎসৱ। ফাগুন মাহৰ পূৰ্ণিমা তিথিত এই উৎসৱ পালন কৰা হয়। বিভিন্ন ধৰ্মাৱলম্বী লোকে এই উৎসৱত অংশগ্ৰহণ কৰি আনন্দ উপভোগ কৰে। ভাৰতৰ ভিন ভিন ঠাইত ফাঁকুৱা বা হোলী বিভিন্ন ধৰণে পালন কৰা হয়। এই উৎসৱক অসমত দৌল উৎসৱ বুলি কোৱা হয়।

৭। মাঘ বিহুত কি কি কৰা হয়। সেই বিষয়ে পাঁচটা বাক্য লিখা।

উত্তৰঃ মাঘ বিহুত ৰাইজে পথাৰৰ নৰা কাটি মুকলি ঠাইত ৰাইজে ভেলাঘৰ সাজে। সেই ভেলাঘৰত উৰুকাৰ নিশা ৰাইজে মিলি-জুলি ভোজ-ভাত খায়। পাছদিনা পুৱাই গা-পা ধুই ৰাইজে সাজি থোৱা মেজি জ্বলাই অগ্নিক সেৱা কৰে। এই বিহুত অসমীয়া মানুহৰ ঘৰত সান্দহ, দৈ-চিৰা, নানা তৰহৰ পিঠা-পনা প্রস্তুত কৰা হয়।

৮। গৰু বিহুৰ দিনাখন গৰুক গা-ধুওৱাৰ উপৰি আৰু কি কি কৰা হয়?

উত্তৰঃ গৰু বিহুৰ দিনাখন ৰাতিপুৱাই গৰুৰ গাত মাহ-হালধি ঘঁহি ধুৱাই-পখলাই দিয়া হয়। গধূলি গৃহস্থই নতুন পঘাৰে গৰুক বান্ধে, ধূনা চাকি জ্বলায় আৰু নতুন বিচনীৰে বিচি গোহালিত গৰুক ধোঁৱা দিয়ে।

৯। এজোপা খ্রীষ্টমাছ গছ আঁকা।

১০। ডাঙৰকৈ এটা বেলুনৰ ছবি আঁকি ক’লাজ তৈয়াৰ কৰা।