৪। নাৰী সবলীকৰণৰ বিভিন্ন আঁচনিসমূহৰ নাম লিখা। তাৰে এখন আঁচনিৰ বিষয়ে বহলাই লিখা।

উত্তৰঃ ভাৰত চৰকাৰেও নাৰী সবলীকৰণৰ বিভিন্ন আঁচনি হাতত লৈ নাৰীৰ হকে বিশেষভাবে কাম কৰাৰ কিছুমান প্রতিষ্ঠান গঢ়ি তুলিছে। সেইবোৰৰ ভিতৰত ‘উত্তৰ-পূব উন্নয়ন আৰু বিত্তীয় নিগম’, ‘কেন্দ্রীয় সমাজ কল্যাণ পৰিষদ’, ‘বাষ্ট্রীয় মহিলা আয়োগ’ আদিয়ে প্রধান। এই সংস্থাসমূহে নাবীৰ শিক্ষা, বৃত্তিমূলক প্রশিক্ষণ, আর্থ-সামাজিক উন্নয়নৰ আঁচনি আৰু নাৰীৰ অধিকাৰৰ প্রতি চকু ৰাখে। ‘ইন্দিৰা মহিলা যোজনা’ই জিলা আৰু নিম্ন পৰ্যায়ৰ গোটসমূহক শক্তিপ্ৰদান কৰি জীৱন্ত কৰি তুলিছে। এই যোজনাই মহিলাসকলক চৰকাৰে আগবঢ়োৱা ঋণ আৰু অন্যান্য সা-সুবিধাসমূহ গ্রহণ কৰি সেইবোৰৰ উপযুক্ত ব্যৱহাৰৰ বাবে পৰামৰ্শ আগবঢ়ায়। এনে সুবিধা গ্রহণ কৰি অসমৰ চুকে-কোণে অনেক আত্মসহায়ক গোট গঢ়ি উঠিছে আৰু মহিলাসকলৰ মাজত স্বাৱলম্বনৰ এক অভূতপূর্ব জাগৰণৰ সৃষ্টি কৰিছে। 

৫। তলৰ শব্দবোৰৰ অৰ্থ শব্দ সম্ভাৰ আৰু অভিধানৰ পৰা বিচাৰি উলিয়াই লিখা।

বিপণি, ক্রেতা, সুপ্ত, অফুৰন্ত, টনকিয়াল, সমমর্যাদা, প্রদর্শন, স্বাৱলম্বী, গঠনাত্মক, পদমর্যাদা, পদক্ষেপ, আন্তর্জাতিক।

উত্তৰঃ বিপণী – দোকান।

ক্রেতা – কিনোতা।

সুপ্ত – লুকাই থকা।

অফুৰন্ত – যাৰ শেষ নাই।

টনকিয়াল — আর্থিকভাৱে সবল।

সমমৰ্যাদা — সমান অধিকাৰ।

প্ৰদৰ্শন — দেখুওৱা কাৰ্য।

স্বাৱলম্বী — স্ব-নিৰ্ভৰশীল।

গঠনাত্মক — গঠনমূলক।

পদমৰ্যাদা — বিষয় ভাৰ গৌৰৱ।

পদক্ষেপ —- ব্যৱস্থা গ্ৰহণ কৰা।

আন্তৰ্জাতিক — বহু জাতিৰ মাজত থকা, সকলো ৰাষ্ট্ৰৰ মাজত থকা।

৬। “অসমীয়া শিপিনীয়ে কাপোৰত সপোন ৰচিব পাৰে”一এই কথাষাৰ কোনে কেতিয়া আৰু কিয় কৈছিল?

উত্তৰঃ মহাত্মাগান্ধীয়ে এবাৰ অসমলৈ আহোঁতে অসমীয়া শিপিনীয়ে বোৱা কাপোৰ দেখি স্তম্ভিত হৈ মন্তব্য কৰিছিল’-অসমীয়া শিপিনীয়ে কাপোৰত সপোন ৰচিব পাৰে’।

৭। বুজাই কোৱা আৰু লিখা।

(ক) আত্মসহায়ক গোট আৰু ইয়াৰ কাম-কাজ।

উত্তৰঃ একোটা অঞ্চলৰ মহিলাসকলে একো একোটা সৰু গোটত ভাগ হৈ কিছুমান ক্ষুদ্র উদ্যোগ গঢ়ি তোলে। সেইবোৰেই আত্মসহায়ক গোট। এই গোটবোৰে স্থানীয় সহজলভ্য সম্পদ বিলাকক লৈ অতি সহজ-সৰল পদ্ধতিৰে নানা আকর্ষণীয় আৰু প্ৰয়োজনীয় সামগ্রী উৎপাদন কৰে আৰু সুলভমূল্যৰ বিনিময়ত গ্ৰাহকৰ চাহিদা পূৰণ কৰে । এই গোটবোৰে সহজতে লাৰু, পিঠা, আচাৰ, কাহুদি, খৰিচা আদিৰ উপৰি হাতে সজা বেগ, পুতলা, মমবাতি, বাঁহ-বেতৰ সামগ্ৰী আৰু নিত্য ব্যবহার্য ভিন ভিন বস্তু উৎপাদন কৰিব পাৰে ।

(খ) নাৰী সবলীকৰণৰ বিভিন্ন আঁচনিসমূহ আৰু ইয়াৰ কাম।

উত্তৰঃ  নাৰী সবলীকৰণৰ বিভিন্ন আচঁনিসমূহ হ’ল- উত্তৰ পূৱ উন্নয়ন আৰু বিত্তীয় নিগম,’কেন্দ্ৰীয় সমাজ কল্যাণ পৰিষদ ‘ৰাষ্ট্ৰীয় মহিলা আয়োগ’ আদিয়ে প্ৰধান। এই সংস্থাসমূহে নাৰীৰ শিক্ষা, বৃত্তিমূলক প্ৰশিক্ষণ, আৰ্থ-সামাজিক উন্নয়নৰ আঁচনি আৰু নাৰীৰ অধিকাৰৰ প্ৰতি চকু ৰাখে। ‘ইন্দিৰা মহিলা যোজনা’ই জিলা আৰু নিম্ন পৰ্যায়ৰ গোটসমূহক শক্তিপ্ৰদান কৰি জীৱন্ত কৰি তুলিছে। এই যোজনাই মহিলাসকলক চৰকাৰে আগবঢ়োৱা ঋণ আৰু অন্যান্য সা-সুবিধাসমূহ গ্ৰহণ কৰি সেইবোৰৰ উপযুক্ত ব্যৱহাৰৰ বাবে পৰামৰ্শ আগবঢ়ায়।

(গ) কি কি কাম কৰি মহিলাসকল স্বাৱলম্বী হ’ব পাৰে।

উত্তৰঃ মহিলা সকলে বিভিন্ন ধৰণৰ কুটিৰ শিল্পৰ জৰিয়তে স্বাৱলম্বী হ’ব পাৰে। নিজ হাতেৰে বনুৱা বস্তু, নিজ ঘৰতে উদ্যোগ প্ৰতিষ্ঠা কৰিও স্বাৱলম্বন হ’ব পাৰে।

Updated on: 19/09/2025