১। উত্তৰ লিখা-

(ক) উত্তৰ-পূব ভাৰতৰ কোনখন ৰাজ্যক আগতে নেফা বুলি জনা গৈছিল?

উত্তৰঃ উত্তৰ পূব ভাৰতৰ অৰুণাচল প্রদেশক আগতে নেফা বুলি জনা গৈছিল।

(খ) কোনখন ৰাজ্যৰ ঠেক সমভূমি অংশই উত্তৰ-পূব ভাৰতক ভাৰত ভূখণ্ডৰ লগত সংযোগ কৰিছে?

উত্তৰঃ পশ্চিমবংগৰ ঠেক সমভূমি অংশই উত্তৰ-পূব ভাৰতক ভাৰত ভূখণ্ডৰ লগত সংযোগ কৰিছে।

(গ) উত্তৰ-পূব ভাৰতৰ প্ৰধান নদী কেইখন আৰু কি কি?

উত্তৰঃ পূব ভাৰতৰ প্ৰধান নদীসমূহ হৈছে ব্ৰহ্মপুত্ৰ, বৰাক, সুবানসিৰি, ধনসিৰি, কপিলী, দিখৌ, ডিবাং আৰু লোহিত।

(ঘ) পাহাৰীয়া অঞ্চলতকৈ সমভূমি অঞ্চল কৃষি কার্যত আগবঢ়া কিয়?

উত্তৰঃ সমভূমি অঞ্চলবোৰ সমান আৰু বহল হোৱাৰ বাবে খেতি কৰিবলৈ সুবিধা হয়। পাহাৰীয়া অঞ্চলৰ মাটি অসমান আৰু শিলযুক্ত হোৱাৰ বাবে খেতি কৰাত অসুবিধা হয়। সমভূমি অঞ্চলবোৰত নদী, পুখুৰী আদিৰ পৰা সহজে জলসিঞ্চন ব্যৱস্থা কৰিব পৰা যায়। পাহাৰীয়া অঞ্চলত জলসিঞ্চনৰ বাবে পানী যোগান ধৰাটো কঠিন হয় । সমভূমি অঞ্চলত আধুনিক কৃষি প্ৰযুক্তি যেনে ট্ৰেক্টৰ, হাৰ্ভেষ্টাৰ আদি ব্যৱহাৰ কৰিবলৈ সুবিধা। পাহাৰীয়া অঞ্চলত এইবোৰ প্ৰযুক্তি ব্যৱহাৰ কৰাটো কঠিন। 

(ঙ) উত্তৰ-পূব ভাৰতৰ কোনখন ৰাজ্য উদ্যোগৰ ক্ষেত্ৰত আগবঢ়া?

উত্তৰঃ উত্তৰ-পূব ভাৰতৰ অসম উদ্যোগৰ ক্ষেত্ৰত আগবঢ়া।

২। পাহাৰীয়া অঞ্চলত কেনে ধৰণে খেতি কৰা হয়? (৫০টা মান শব্দৰ ভিতৰত লিখা)

উত্তৰঃ পাহাৰীয়া ৰাজ্যকেইখনত স্থানান্তৰিত খেতি (ঝুম খেতি) কৰা হয়। কাৰণ পাহাৰীয়া অঞ্চলৰ পথাৰত পানী জমা কৰি ৰাখিব নোৱাৰি। ইয়াত কিছু পৰিমাণে বেদিকা কৃষিও কৰা হয়। পাহাৰৰ এঢলীয়া মাটিত খাপ কাটি বেদিকা কৃষি কৰে। পাহাৰ আৰু সমভূমি অঞ্চলৰ এঢলীয়া মাটিত চাহ, ৰবৰ আদিৰ দৰে ৰোপণ কৃষিও কৰা হয়।

৩। খালী ঠাই পূৰণ কৰা-

(ক) উত্তৰ-পূব ভাৰতৰ সাতখন ৰাজ্যৰ মুঠ মাটিকালি ——————– বর্গ কিল’মিটাৰ।

উত্তৰঃ উত্তৰ-পূব ভাৰতৰ সাতখন ৰাজ্যৰ মুঠ মাটিকালি ২,৫৫,০৮৩ বৰ্গ কিল’মিটাৰ।

(খ) ভাৰতৰ উত্তৰ-পূব ——————— অঞ্চল। উত্তৰ অক্ষাংশৰ পৰা ————————– উত্তৰ অক্ষাংশলৈকে বিস্তৃত।

উত্তৰঃ ভাৰতৰ উত্তৰ-পূব অঞ্চল ২০º উত্তৰ অক্ষাংশৰ পৰা ২৯º৩০’ উত্তৰ অক্ষাংশলৈকে বিস্তৃত।

(গ) উত্তৰ পূব মৌচুমী বতাহ ————————– কালত বয়।

উত্তৰঃ উত্তৰ পূব মৌছুমী বতাহ শীত কালত বয়।

(ঘ) উত্তৰ-পূব ভাৰতত মুঠতে —————————- খন ৰাজ্য আছে।

উত্তৰঃ উত্তৰ – পূব ভাৰতত মুঠতে ৭ খন ৰাজ্য আছে।

(ঙ) —————————- উত্তৰ-পূব ভাৰতৰ একেবাৰে দক্ষিণ ফালে থকা ৰাজ্য।

উত্তৰঃ মিজোৰাম উত্তৰ-পূব ভাৰতৰ একেবাৰে দক্ষিণ ফালে থকা ৰাজ্য।

৪। উত্তৰ-পূব ভাৰতৰ মানচিত্ৰ এখন আঁকি তলত দিয়াবোৰ যথাস্থানত বহুওৱা-

(ক) উত্তৰ-পূব ভাৰতৰ চাৰিসীমা

(খ) ব্ৰহ্মপুত্ৰ আৰু বৰাক নদী

(গ) অসম, মেঘালয়, মণিপুৰৰ ৰাজধানী

(ঘ) নামৰূপ সাৰ কাৰখানা

(ঙ) পর্যটন ক্ষেত্ৰ টাৱাং