১। উত্তৰ লিখা-

(ক) বতৰ বুলিলে কি বুজা ?

উত্তৰঃ বিভিন্ন সময়ত আমাৰ বায়ুমণ্ডলৰ অৱস্থাৰ সালসলনি হয় ।যেনে- দিনৰ ভাগত সাধাৰণতে গৰম আৰু ৰাতি ঠাণ্ডা পৰে। কেতিয়াবা বতাহ বলে, কেতিয়াবা বৰষুণ হয় আৰু কেতিয়াবা ধুমুহাৰ সৃষ্টি হয়। বায়ুমণ্ডলৰ এনে একো একোটা পৰিস্থিতিয়ে বতৰৰ সৃষ্টি কৰে।

(খ) ঋতু কেইটা আৰু কি কি ?

উত্তৰঃ ঋতু ছটা – গ্রীষ্ম, বর্ষা, শৰৎ, হেমন্ত, শীত আৰু বসন্ত।

(গ) বতৰৰ আগজাননী মানে কি ?

উত্তৰঃ ৰেডিঅ’, দূৰদৰ্শন আদি প্ৰচাৰ মাধ্যমৰ যোগেদি বতৰৰ বিষয়ে আগতীয়াকৈ জাননী দিয়া হয়। বতৰৰ বিষয়ে আগতীয়াকৈ দিয়া জাননীক বতৰৰ আগজাননী বা আগলি বতৰা বোলে।

(ঘ) বতৰৰ তথ্যপাতি দিয়া তিনিবিধ সঁজুলিৰ নাম।

উত্তৰঃ  বতৰৰ তথ্যপাতি দিয়া তিনিবিধ সঁজুলিৰ নাম হল: থার্ম ‘মিটাৰ,বেৰ’মিটাৰ ,বতাহ মাপক।

(ঙ) কোনটো বিভাগে গোটেই দেশখনৰ বাবে বতৰৰ আগজাননী প্রস্তুত আৰু প্ৰচাৰ কৰে ?

উত্তৰঃ ভাৰত চৰকাৰৰ বতৰ বিজ্ঞান বিভাগে সমগ্র দেশখনৰ বাবে বতৰৰ আগজাননী প্রস্তুত আৰু প্ৰচাৰ কৰে। 

২। ‘ক’ অংশৰ লগত ‘খ’ অংশ মিলোৱা-

‘ক’	‘খ’
বায়ুৰ উষ্ণতা	ৰেইনগজ
বায়ুত থকা জলীয় বাষ্পৰ পৰিমাণ	থার্ম’মিটাৰ
বৰষুণৰ পৰিমাণ	এনিম ‘মিটাৰ
বায়ুৰ গতিবেগ	হাইগ্র’মিটাৰ

উত্তৰঃ 

‘ক’	‘খ’
বায়ুৰ উষ্ণতা	থার্ম’মিটাৰ
বায়ুত থকা জলীয় বাষ্পৰ পৰিমাণ	হাইগ্র’মিটাৰ
বৰষুণৰ পৰিমাণ	ৰেইনগজ
বায়ুৰ গতিবেগ	এনিম ‘মিটাৰ

৩। খালী ঠাই পূৰ কৰা-

(ক) গৰম দিনত পাতল ________কাপোৰ পিন্ধিবলৈ বৰ আৰামদায়ক।

উত্তৰঃ গৰম দিনত পাতল কপাহী কাপোৰ পিন্ধিবলৈ বৰ আৰামদায়ক।

(খ) বতাহৰ দিশ জুখিবলৈ __________নামৰ সঁজুলি ব্যৱহাৰ কৰা হয়।

উত্তৰঃ বতাহৰ দিশ জুখিবলৈ বায়ু দিশ-দৰ্শীসুচক নামৰ সঁজুলি ব্যৱহাৰ কৰা হয়।

(গ) বায়ুমোজা বতাহৰ _______আৰু _______নির্ণয় কৰিবলৈ ব্যৱহাৰ কৰা হয়।

উত্তৰঃ বায়ুমোজা বতাহৰ গতি আৰু দিশ নির্ণয় কৰিবলৈ ব্যৱহাৰ কৰা হয়।

(ঘ) ধুমুহা আহিলে আকাশত _____মাৰে আৰু মেঘেও গাজে।

উত্তৰঃ ধুমুহা আহিলে আকাশত বিজুলী ঢেৰেকণি মাৰে আৰু মেঘেও গাজে।

৪। বতৰৰ আগজাননী কি কি মাধ্যমৰ জৰিয়তে দিয়া হয় ?

উত্তৰঃ ভাৰত চৰকাৰৰ বতৰ বিজ্ঞান বিভাগে সমগ্র দেশখনৰ বাবে বতৰৰ আগজাননী প্রস্তুত আৰু প্ৰচাৰ কৰে। ৰেডিঅ’, দূৰদৰ্শন, ইণ্টাৰনেট আদি  মাধ্যমৰ জৰিয়তে বতৰৰ আগজাননী দিয়া হয়।

৫। চমু টোকা লিখা-

(ক) ৰেইনগজ

উত্তৰঃ ৰেইনগজ নামৰ সঁজুলিৰ সহায়ত বৰষুণৰ পৰিমাণ জোখা হয়। বতৰ বিজ্ঞান কেন্দ্ৰত এই যন্ত্রটো গছ-গছনি বা ঘৰ-দুৱাৰৰ কাষত নাৰাখি মুকলি ঠাইত ৰখা হয়, যাতে বৰষুণৰ সঠিক পৰিমাণ জুখিব পাৰি।

(খ) কৃত্রিম উপগ্রহ 

উত্তৰঃ কৃত্রিম উপগ্রহে পৃথিৱীৰ চাৰিওফালে ঘূৰি থাকে। এইবোৰত কেমেৰা সংযোগ কৰা থাকে। ঘূৰি থকা অৱস্থাত এইবোৰত লগাই থোৱা কেমেৰাই বায়ুমণ্ডলত থকা ডাৱৰৰ আৱৰণ, বতাহৰ দিশ আৰু বেগৰ পৰিমাণ আদিৰ স্পষ্ট ছবি তুলি বতৰ বিজ্ঞান কেন্দ্রলৈ পঠিয়াই দিয়ে। এই কৃত্রিম উপগ্রহসমূহে অৰণ্য, মৰুভূমি, তুষাৰাবৃত অঞ্চলৰ দৰে দুৰ্গম ঠাইৰ বতৰো পৰ্যৱেক্ষণ কৰিব পাৰে। বতৰ বিজ্ঞান কেন্দ্ৰত এই তথ্যবোৰ অধ্যয়ন কৰি বতৰৰ আগজাননী প্ৰস্তুত কৰা হয়।

(গ) বতৰ বিজ্ঞান কেন্দ্র

উত্তৰঃ বতৰ বিজ্ঞান কেন্দ্র হৈছে এনে এটা গৱেষণা আৰু পৰ্যবেক্ষণ কেন্দ্ৰ, য’ত বতৰৰ অৱস্থা, পৰিৱর্তন আৰু পূৰ্বাভাস সন্দর্ভত তথ্য সংগ্ৰহ, বিশ্লেষণ আৰু বিতৰণ কৰা হয়। এই কেন্দ্ৰত বায়ুমণ্ডল, বায়ু চাপ, তাপমাত্রা, বৃষ্টিপাত, বতাহৰ গতি আদি পৰ্যবেক্ষণ কৰা হয়।

(ঘ) খৰাং বতৰ 

উত্তৰঃ বহুত দিন বৰষুণ নহ’লে বতৰ শুকান হয়। এনে বতৰ হৈছে খৰাং বতৰ বা শুকান বতৰ।

(ঙ) ফৰকাল বতৰ

উত্তৰঃ আকাশত ডাৱৰ নাথাকিলে আকাশ ফৰকাল থাকে। গৰম বেছি হয়। সূৰ্যৰ পোহৰৰ বাবে বস্তুবোৰ উজ্জ্বল দেখি। এনেকুৱা বতৰ হৈছে ফৰকাল বতৰ।

৬। বতৰ অনুযায়ী আমাৰ সাজ-পাৰ কেনেধৰণৰ হ’ব লাগে লিখা।

৭। কি কি কামত বতৰৰ আগজাননীয়ে সহায় কৰে?

৮। বতৰৰ উপাদানকেইটাৰ নাম কি কি?